Shugaba Tinubu zai tafi Makka domin gudanar da Umara da yi wa Najeriya addu’a

Shugaban Ƙasa Bola Ahmed Tinubu zai bar Abuja a ranar Alhamis zuwa Makka, da ke ƙasar Saudiyya, domin gudanar da Umara, ibadar ziyartar Ɗakin Allah mai alfarma.

Kafar Sadarwar Sabuwar Nigeria ta ce sanarwar da mai ba shugaban ƙasa shawara kan yaɗa labarai da dabarun sadarwa, Bayo Onanuga, ya fitar ranar 28 ga Oktoba, 2026, ta ce ziyarar za ta bai wa shugaban ƙasar damar gudanar da ibada da yin addu’o’in neman zaman lafiya, haɗin kai, kwanciyar hankali da ci gaba mai ɗorewa ga Najeriya.

Read also: PRESIDENT TINUBU DEPARTS ABUJA FOR MAKKAH TO PRAY FOR THE NATION

Read also: “Kashe Malam Masussuka ya saɓa wa ƙa’idojin zaman lafiya da mutunta rayuwar ɗan Adam” – Shugaba Tinubu

Yayin da yake Makka, Tinubu zai gudanar da ibadun Umara, tare da neman shiriya da albarkar Allah ga Najeriya da al’ummarta.

Read also: PRESIDENT TINUBU CONDEMNS MURDER OF SHEIKH YAHAYA IBRAHIM MASUSSUKA, DIRECTS THOROUGH INVESTIGATION

Kafin ya bar Abuja, shugaban ƙasar zai ƙaddamar da wasu kayayyakin aiki da aka saya wa Rundunar Sojin Sama ta Najeriya domin inganta ayyukanta. Za a gudanar da bikin ƙaddamarwar ne a ɓangaren saukar jiragen sama na musamman na shugaban ƙasa a filin jirgin saman Nnamdi Azikiwe da ke Abuja.

Ana sa ran shugaban ƙasar zai dawo Najeriya mako mai zuwa, bayan kammala ibadar Umara.