Tinubu: Nasarar Adeleke, Ya Isa Hujjar Cewa Dimokuradiyya Za Ta Ci Gaba da dorewa da Bunkasa a Najeriya

● Shugaba Tinubu Ya Taya Adeleke Murnar Samun Nasarar Zaben Osun

Shugaba Bola Ahmed Tinubu, ya taya Gwamnan Jihar Osun, Ademola Adeleke, murnar sake lashe zaben gwamnan jihar, yana mai cewa nasarar ta tabbatar da cewa dimokuradiyya za ta ci gaba da samun gindin zama a kasar.

Read also: DAGA SAUYE-SAUYEN TATTALIN ARZIKI ZUWA WADATA: TINUBU YA GABATAR DA SABON MATAKIN CI GABA, YA SHA ALWASHIN YAƘI DA TALAUCI

Tinubu ya ce ya kira Adeleke ta waya domin taya shi murnar nasarar da ya samu a zaben da aka kammala, yana mai cewa sakamakon ya sake nuna irin amincewar da al’ummar Osun suka yi da shi. Ya kuma yi masa fatan samun nasara yayin da yake shirin jagorantar jihar na tsawon shekaru hudu masu zuwa.

Read also: Independence Anniversary:Gov Yusuf Hails Tinubu For Stabilizing Economy, Improving Nigerians’ Wellbeing

Shugaban ya bukaci Adeleke da ya hada kan al’ummar Osun tare da hada kansu wajen cimma ci gaba, zaman lafiya da bunkasar tattalin arziki da zamantakewa, ba tare da la’akari da jam’iyyar ko dan takarar da suka zaba a zaben ba.

Read also: Engr Jaga Celebrates Rt Hon Abbas Tajudeen at 61 , Commends His Commitment to Zaria and Kaduna State

Tinubu ya yaba wa sauran ’yan takarar da suka fafata a zaben bisa jarumtaka da bin ka’idojin dimokuradiyya, yana mai cewa shigarsu cikin zaben ta kara inganta tsarin dimokuradiyyar Najeriya. Ya ce sakamakon zaben ya nuna muradin al’ummar jihar tare da tabbatar da cewa dimokuradiyya na ci gaba da bunkasa a kasar.

Kafar Sadarwar Sabuwar Nigeria ta kuma ruwaito Shugaban yana kuma yabawa Hukumar Zabe Mai Zaman Kanta ta Kasa (INEC) da jami’an tsaro bisa gudanar da zaben cikin lumana da gaskiya, wanda ya haifar da samun sahihin wanda ya yinasara.